Misy ny ambaratonga sy ny famaritana ny fiheverana, araky ny kolontsaina sy ny fiarahamonina ary indrindra araky ny "fitaizana nolovaina"...

Samy hafa tokoa ny :

* olonkendry
* olomanga
* olombanona

Ny mifanohitra sy mifanipaka amin’ireo, dia ao anaty fiarahamonina ao misy ny :

* voan’ny rarintsaina
* sembana ara-tsaina
* mody adala na misoloky ho hendry
* tsy valahara
* tsy vanona

Toetsaina sy toe-panahy izay natsidika izay, fa mbola hafa ny fihetsika sy fisehoana ao anaty fiarahamonina, misy ao ny :

* tony fihetsika sy mendrika
* mivatravatra sy ratsy taiza ary be sitrapo
* lian’ady sy maloto fiteny
* tontakely tia setrasetra
* mikatsaka lalandava filana ho afapo

Ny fanontaniana mipetraka dia ity :

Eo anoloan’ireo zavamisy natsidika ireo, inona izany no andraikitra mazava sy lazaina fa "politikan’ny kolontsaina" hoentin’ity minisiteran’ny kolontsaina ity e ?

Kolontsaina inona sy ahoana, ary miainga amin’ny fitaizana toy ny ahoana sy mifototra amin’ny inona no hoentin’ity minisitera ity ary e ?

Ohatra akaiky : kolontsaina inona no nentin’i Rakotondrazafy Lalatiana fony izy minisitra ?